پروكۋراتۋرا تيمۋر داۋلەتوۆكە «ۆ كونتاكتە» الەۋمەتتىك جەلىسى ارقىلى ءدىني الاۋىزدىق تۋدىراتىن بەس ماتەريال تاراتتى دەگەن ايىپ تاعىپ, سوتتان ءتورت جىلعا باس بوستاندىعىنان ايىرۋ جازاسىن سۇراعان بولاتىن.
ماتەريالداردىڭ ۇشەۋى ساراپتاماعا جىبەرىلىپ,پىكىرلەر ەكىگە جارىلعان. ماسەلەن, وڭتۇستىك قازاقستان سوت ساراپتامالارى ينستيتۋتىنىڭ ساراپشىسى ءدىني الاۋىزدىق تۋدىرۋ بەلگىلەرى بار دەگەن قورىتىندى شىعارسا, ادىلەت مينيسترلىگى ورتالىق سوت ساراپتامالارى الماتى بولىمشەسى كەرىسىنشە تۇجىرىم جاساعان.
ايىپتالۋشىنىڭ ادۆوكاتتارى ء«ادىل ءسوز» اقپاراتتىق داۋدى ساراپتاۋ ورتالىعىنا جۇگىنگەن. ونىڭ ماماندارى جاريالانعان بەينەروليكتەر جاستاردى, ساۋاتى از جانداردى تەرىس ءدىني اعىمداردان ساقتاندىرۋدى دىتتەيدى دەگەن قورىتىندىعا كەلگەن.
ءسويتىپ, بەس ايعا سوزىلعان ىسكە نۇكتە قويىلىپ, ت. داۋلەتوۆ سوت زالىنان بوساتىلدى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
